प्रभू रामचंद्रांच्या पदस्पर्शाने पावन झालेल्या नाशिक जिल्ह्यातील, जिल्हा परिषद प्राथमिक शाळा गोवर्धन, केंद्र- दुगाव, ता. नाशिक,जि. नाशिक, हि शाळा शहरापासून - ५ कि.मी. अंतरावर स्थित आहे. या शाळेची स्थापना - १९८६ साली झाली. शाळेत एकूण - ३५६ विद्यार्थी असून इयत्ता - १ ली ते - ४ थी पर्यंतचे वर्ग आहेत. प्रत्येक वर्गाच्या एक सेमी इंग्लीश व एक मराठी अशा तुकड्या आहेत. शाळेत प्रत्येक जातीधर्माचे विद्यार्थी आहेत. नाशिक जिल्ह्यातील A.B.B कंपनीने शाळा दत्तक घेतली असल्याने कंपनी कडून शाळेला विविध प्रकारच्या भौतिक सुविधा प्राप्त झाल्या आहेत. विविध प्रकारचे शैक्षणिक साहित्य व ई-लर्निंगद्वारे विद्यार्थ्यांना अध्ययन-अनुभव दिले जातात. विदयार्थ्यांचा सर्वांगीण विकास साधण्यासाठी मुख्याध्यापक व सर्व वर्गशिक्षक नेहमी प्रयत्नशील असतात.